სამთო და მოპოვების დანაშაულები

1. მინერალური რესურსების (გარდა მტკნარი მიწისქვეშა წყლებისა) გამოყენება შესაბამისი ლიცენზიის გარეშე, ჩადენილი ასეთი ქმედებისთვის ადმინისტრაციული სახდელის დაკისრების შემდეგ, ან მინერალური რესურსების გამოყენება შესაბამისი ლიცენზიის გარეშე, რამაც მნიშვნელოვანი ზიანი გამოიწვია, –

ისჯება ჯარიმით ან თავისუფლების აღკვეთით ერთიდან სამ წლამდე ვადით.

2. იგივე ქმედება, ჩადენილი განმეორებით, –

ისჯება ჯარიმით ან თავისუფლების აღკვეთით სამიდან ხუთ წლამდე ვადით.

შენიშვნა: ამ მუხლით გათვალისწინებული ქმედებისთვის იურიდიული პირი ისჯება ჯარიმით, საქმიანობის უფლების ჩამორთმევით ან ლიკვიდაციით და ჯარიმით.

„სამთო და მოპოვების დანაშაულები“ თემაზე გამოყენებული ოფიციალური კონსოლიდირებული წყაროები მითითებულია შესაბამის წყაროების ბლოკში; კონკრეტულ საქმეზე გადაამოწმეთ მოქმედი რედაქცია.

სამრეწველო, სასოფლო-სამეურნეო, სამეცნიერო ან სხვა ობიექტების პროექტირების, მოწყობის, რეკონსტრუქციის, მშენებლობის, ექსპლუატაციაში გაშვების წესების დარღვევა ან გარემოს დაცვის წესების დარღვევა მათი ექსპლუატაციის დროს, რამაც გამოიწვია რადიოაქტიური ფონის მნიშვნელოვანი გაუარესება, ადამიანის ჯანმრთელობისთვის ზიანის მიყენება, ფაუნის ან ფლორის მასობრივი განადგურება ან სხვა მძიმე შედეგები, –

ისჯება ჯარიმით ან თავისუფლების აღკვეთით ორიდან ხუთ წლამდე ვადით, თანამდებობის დაკავების ან საქმიანობის განხორციელების უფლების ჩამორთმევით სამ წლამდე ვადით ან მის გარეშე.

„სამთო და მოპოვების დანაშაულები“ თემაზე გამოყენებული ოფიციალური კონსოლიდირებული წყაროები მითითებულია შესაბამის წყაროების ბლოკში; კონკრეტულ საქმეზე გადაამოწმეთ მოქმედი რედაქცია.

1. გარემოსთვის მნიშვნელოვანი ზიანის მიყენება იმ პირის მიერ, რომელსაც ადმინისტრაციული სახდელი დაეკისრა „გარემოსდაცვითი პასუხისმგებლობის შესახებ“ საქართველოს კანონის 231-ე მუხლით გათვალისწინებული ადმინისტრაციული სამართალდარღვევის ჩადენისთვის, –

ისჯება ჯარიმით ან თავისუფლების აღკვეთით ერთიდან სამ წლამდე ვადით.

2. იგივე ქმედება, ჩადენილი განმეორებით, –

ისჯება ჯარიმით ან თავისუფლების აღკვეთით სამიდან ხუთ წლამდე ვადით.

შენიშვნა:

1. ამ მუხლის მიზნებისათვის, გარემოსთვის მიყენებულ მნიშვნელოვან ზიანად ითვლება ზიანი, რომლის მასშტაბიც შეესაბამება „გარემოსდაცვითი პასუხისმგებლობის შესახებ“ საქართველოს კანონის №1 დანართით გათვალისწინებულ მნიშვნელოვანი ზიანის კრიტერიუმებს.

2. ამ მუხლით გათვალისწინებული პირი არ ნიშნავს ფიზიკურ პირს, გარდა „მეწარმეთა შესახებ“ საქართველოს კანონით განსაზღვრული ინდივიდუალური მეწარმისა.

3. ამ მუხლით გათვალისწინებული ქმედებისთვის იურიდიული პირი ისჯება ჯარიმით, საქმიანობის უფლების ჩამორთმევით ან ლიკვიდაციით და ჯარიმით.

„სამთო და მოპოვების დანაშაულები“ თემაზე გამოყენებული ოფიციალური კონსოლიდირებული წყაროები მითითებულია შესაბამის წყაროების ბლოკში; კონკრეტულ საქმეზე გადაამოწმეთ მოქმედი რედაქცია.