საავტორო უფლებების მეკობრეობა და ციფრული კონტენტი

1. საავტორო უფლებებით დაცული ნაწარმოების ავტორობის მითვისება ან თანაავტორობაზე იძულება, –

ისჯება ჯარიმით ან გამასწორებელი სამუშაოთი ორ წლამდე ვადით.

2. ამ მუხლის პირველი პუნქტით გათვალისწინებული ქმედება ჩადენილი განმეორებით, –

ისჯება შინაპატიმრობით ექვსი თვიდან ერთ წლამდე ვადით ან თავისუფლების აღკვეთით სამ წლამდე ვადით.

3. ნაწარმოების, აუდიო ან ვიდეოჩანაწერის ან მონაცემთა ბაზის რეპროდუცირება ან უნებართვო შეძენა, იმპორტი, შენახვა, გაყიდვა, გაქირავება, გადაცემა და/ან საავტორო უფლებების, მომიჯნავე უფლებების მფლობელის ან მონაცემთა ბაზის დამამზადებლის უფლებების სხვაგვარად ხელყოფა „საავტორო უფლებებისა და მომიჯნავე უფლებების შესახებ“ საქართველოს კანონის დარღვევით და დიდი შემოსავლის მიღების მიზნით, –

ისჯება ჯარიმით ან შინაპატიმრობით ერთიდან ორ წლამდე ვადით.

4. ამ მუხლის მე-3 პუნქტით გათვალისწინებული ქმედება, ჩადენილი:

ა) განსაკუთრებით დიდი შემოსავლის მისაღებად;

ბ) პირთა ჯგუფის მიერ წინასწარი შეთანხმებით, –

ისჯება თავისუფლების აღკვეთით სამ წლამდე ვადით.

შენიშვნა:

1. ამ მუხლით გათვალისწინებული ქმედება ჩაითვლება დიდი შემოსავლის მიღების მიზნით ჩადენილად, თუ ნაწარმოების, აუდიო-ვიდეოჩანაწერის ან მონაცემთა ბაზის ასლების ღირებულება ან საავტორო უფლების, მომიჯნავე უფლებების მფლობელის ან მონაცემთა ბაზის დამამზადებლის მიერ მისი უფლებების კანონიერი გამოყენების შემთხვევაში მისაღები შემოსავალი აღემატება 5000 ლარს და ჩაითვლება განსაკუთრებით დიდი შემოსავლის მიღების მიზნით ჩადენილად, თუ აღნიშნული ხარჯი ან შემოსავალი აღემატება 10000 ლარს.

2. ამ მუხლით გათვალისწინებული ქმედებისთვის იურიდიული პირი ისჯება ჯარიმით, საქმიანობის უფლების ჩამორთმევით ან ლიკვიდაციით და ჯარიმით.

„საავტორო უფლებების მეკობრეობა და ციფრული კონტენტი“ თემაზე გამოყენებული ოფიციალური კონსოლიდირებული წყაროები მითითებულია შესაბამის წყაროების ბლოკში; კონკრეტულ საქმეზე გადაამოწმეთ მოქმედი რედაქცია.