უკანონო არქეოლოგიური სამუშაოები

1. არქეოლოგიურ ადგილებში ნებისმიერი სამუშაოს შესრულება არქეოლოგიური სამუშაოების ნებართვის გარეშე, ან არქეოლოგიურ ადგილზე განხორციელებული განზრახ ქმედებები, რომლებიც იწვევს მის დაზიანებას ან განადგურებას ან რომლის გამო შეუძლებელია მისი დათარიღება ან იდენტიფიცირება ან სხვა მნიშვნელოვანი სამეცნიერო ინფორმაციის მოპოვება ობიექტიდან, –

ისჯება ჯარიმით ან თავისუფლების აღკვეთით ორ წლამდე ვადით.

2. იგივე ქმედება ჩადენილი გაუფრთხილებლობით, –

ისჯება ჯარიმით ან თავისუფლების აღკვეთით ერთ წლამდე ვადით.

„უკანონო არქეოლოგიური სამუშაოები“ თემაზე გამოყენებული ოფიციალური კონსოლიდირებული წყაროები მითითებულია შესაბამის წყაროების ბლოკში; კონკრეტულ საქმეზე გადაამოწმეთ მოქმედი რედაქცია.

1. კულტურული მემკვიდრეობის ძეგლების ან საქართველოს კანონმდებლობით დაცული სხვა კულტურული მემკვიდრეობის განზრახ დაზიანება ან განადგურება, –

ისჯება ჯარიმით ან თავისუფლების აღკვეთით ორ წლამდე ვადით.

2. ეროვნული მნიშვნელობის ძეგლების განზრახ დაზიანება, –

ისჯება ჯარიმით ან თავისუფლების აღკვეთით ორიდან ოთხ წლამდე.

3. ეროვნული მნიშვნელობის ძეგლის განადგურება, ასევე მსოფლიო მემკვიდრეობის სიაში შეტანილი ძეგლის დაზიანება ან განადგურება, –

ისჯება თავისუფლების აღკვეთით ოთხიდან რვა წლამდე ვადით.

4. ამ მუხლის პირველი ან მე-2 პუნქტით განსაზღვრული ქმედება, რომელიც ჩადენილია გაუფრთხილებლობით:

ისჯება ჯარიმით ან თავისუფლების აღკვეთით ერთ წლამდე ვადით.

„უკანონო არქეოლოგიური სამუშაოები“ თემაზე გამოყენებული ოფიციალური კონსოლიდირებული წყაროები მითითებულია შესაბამის წყაროების ბლოკში; კონკრეტულ საქმეზე გადაამოწმეთ მოქმედი რედაქცია.