ქრთამის აღება

1. თანამდებობის პირის ან მასთან გათანაბრებული პირის მიერ, პირდაპირ ან ირიბად, ფულის, ფასიანი ქაღალდების, სხვა აქტივების, ფულადი სარგებლის ან სხვა უკანონო სარგებლის აღება ან მოთხოვნა, ან შეთავაზების ან დაპირების მიღება საკუთარი ან სხვა პირის სასარგებლოდ, რათა თანამდებობის პირმა ან მასთან გათანაბრებულმა პირმა განახორციელოს ან არ განახორციელოს გარკვეული ქმედებები თავისი სამსახურებრივი უფლებამოსილების განხორციელებისას ქრთამის მიმცემის სასარგებლოდ, ან გამოიყენოს თავისი სამსახურებრივი მდგომარეობა მსგავსი მიზნების მისაღწევად, ან განახორციელოს სამსახურებრივი მფარველობა, –

ისჯება თავისუფლების აღკვეთით ექვსიდან ცხრა წლამდე ვადით.

2. ქრთამის აღება:

ა) საჯარო პოლიტიკური თანამდებობის პირის მიერ;

ბ) დიდი რაოდენობით;

გ) პირთა ჯგუფის მიერ წინასწარი შეთანხმებით, –

ისჯება თავისუფლების აღკვეთით შვიდიდან თერთმეტ წლამდე ვადით.

3. ამ მუხლის პირველი და მე-2 პუნქტებით გათვალისწინებული ქმედება, ჩადენილი:

ა) ქრთამის აღებისთვის მსჯავრდებული პირის მიერ;

ბ) განმეორებით;

გ) გამოძალვით;

დ) ორგანიზებული ჯგუფის მიერ;

ე) განსაკუთრებით დიდი რაოდენობით, –

ისჯება თავისუფლების აღკვეთით თერთმეტიდან თხუთმეტ წლამდე ვადით.

შენიშვნა: დიდი ოდენობით ქრთამის აღება გულისხმობს 10 000 ლარზე მეტი ოდენობის ფულის, ფასიანი ქაღალდების, სხვა აქტივების ან ფულადი სარგებლის მიღებას; განსაკუთრებით დიდი ოდენობით ქრთამი ნიშნავს 30 000 ლარზე მეტ თანხას.

„ქრთამის აღება“ თემაზე გამოყენებული ოფიციალური კონსოლიდირებული წყაროები მითითებულია შესაბამის წყაროების ბლოკში; კონკრეტულ საქმეზე გადაამოწმეთ მოქმედი რედაქცია.