სახელმწიფო შესყიდვების გამოძიებები

1. პირთა წინასწარი შეთანხმება სახელმწიფო შესყიდვებთან დაკავშირებით, მათ შორის ბაზრის კვლევასთან და/ან გამარტივებულ შესყიდვებთან დაკავშირებით, შეთანხმება ან ნებისმიერი ქმედება საკუთარი თავისთვის ან სხვებისთვის მატერიალური სარგებლის ან უპირატესობის მისაღებად, რამაც გამოიწვია შემსყიდველი ორგანოს კანონიერი ინტერესების არსებითი დარღვევა, –

ისჯება ჯარიმით, შინაპატიმრობით ორ წლამდე ვადით ან თავისუფლების აღკვეთით ექვს წლამდე ვადით.

2. იგივე ქმედება, ჩადენილი განმეორებით, –

ისჯება ჯარიმით ან ოთხიდან შვიდ წლამდე თავისუფლების აღკვეთით.

3. იგივე ქმედება, ჩადენილი პირის მიერ, რომელიც ადრე ორჯერ ან მეტჯერ იყო ნასამართლევი ამ თავით და/ან ამ კოდექსის 180-ე და/ან 182-ე მუხლით გათვალისწინებული დანაშაულის ჩადენისათვის, –

ისჯება ხუთიდან რვა წლამდე თავისუფლების აღკვეთით.

შენიშვნა: ამ მუხლით გათვალისწინებული ქმედებისთვის იურიდიული პირი ისჯება საქმიანობის უფლების ჩამორთმევით ან ლიკვიდაციით და ჯარიმით.

„სახელმწიფო შესყიდვების გამოძიებები“ თემაზე გამოყენებული ოფიციალური კონსოლიდირებული წყაროები მითითებულია შესაბამის წყაროების ბლოკში; კონკრეტულ საქმეზე გადაამოწმეთ მოქმედი რედაქცია.

1. თანამდებობის პირის ან მასთან გათანაბრებული პირის მიერ სამსახურებრივი უფლებამოსილების ბოროტად გამოყენება საჯარო ინტერესების საზიანოდ, საკუთარი თავისთვის ან სხვა პირისთვის რაიმე სარგებლის ან უპირატესობის მისაღებად, რამაც გამოიწვია ფიზიკური ან იურიდიული პირების უფლებების ან საზოგადოების ან სახელმწიფოს კანონიერი ინტერესების არსებითი დარღვევა, –

ისჯება ჯარიმით ან შინაპატიმრობით ვადით ექვსი თვიდან ორ წლამდე, ან თავისუფლების აღკვეთით სამ წლამდე ვადით, თანამდებობის დაკავების ან საქმიანობის განხორციელების უფლების ჩამორთმევით სამ წლამდე ვადით.

2. საჯარო პოლიტიკური თანამდებობის პირის მიერ სამსახურებრივი უფლებამოსილების ბოროტად გამოყენება, –

ისჯება ჯარიმით ან თავისუფლების აღკვეთით სამიდან ხუთ წლამდე ვადით, თანამდებობის დაკავების ან საქმიანობის განხორციელების უფლების ჩამორთმევით სამ წლამდე ვადით.

3. ამ მუხლის პირველი ან მე-2 პუნქტით გათვალისწინებული ქმედება, ჩადენილი:

ა) განმეორებით;

ბ) ძალადობის ან იარაღის გამოყენებით;

გ) პირადი ღირსების შელახვით, –

ისჯება თავისუფლების აღკვეთით ხუთიდან რვა წლამდე ვადით, თანამდებობის დაკავების ან საქმიანობის განხორციელების უფლების ჩამორთმევით სამ წლამდე ვადით.

შენიშვნა:

1. ამ თავით გათვალისწინებული დანაშაულის სუბიექტებს ასევე მიეკუთვნებიან საჯარო სამართლის იურიდიული პირების (გარდა პოლიტიკური და რელიგიური გაერთიანებებისა) თანამშრომლები, რომლებიც ახორციელებენ საჯარო სამართლის უფლებამოსილებებს, საქართველოს პარლამენტის დროებითი კომისიების წევრები, საარჩევნო სუბიექტები (მხოლოდ ამ კოდექსის 338-ე მუხლით გათვალისწინებული დანაშაულის მიზნებისათვის), კერძო აღმასრულებლები, აგრეთვე ნებისმიერი სხვა პირი, რომელიც ახორციელებს საჯარო სამართლის უფლებამოსილებებს საქართველოს კანონმდებლობის საფუძველზე.

2. ამ თავის მიზნებისათვის, თანამდებობის პირთან გათანაბრებული პირი ასევე ნიშნავს უცხოელ თანამდებობის პირს (მათ შორის, საკანონმდებლო და/ან ადმინისტრაციული უფლებამოსილებების განმახორციელებელი საჯარო ორგანოს თანამშრომელს), ნებისმიერ პირს, რომელიც ასრულებს ნებისმიერ საჯარო მოვალეობას სხვა სახელმწიფოსთვის, საერთაშორისო ორგანიზაციის ან სააგენტოს თანამდებობის პირს ან კონტრაქტით დაქირავებულ თანამშრომელს, ასევე ნებისმიერ მივლენილ ან არამივლენილ პირს, რომელიც ასრულებს ამ თანამდებობის პირის ან თანამშრომლის მოვალეობებთან დაკავშირებულ მოვალეობებს, უცხოელი ნაფიც მსაჯულთა წევრებს, რომლებიც ასრულებენ თავიანთ მოვალეობებს უცხო ქვეყნის კანონმდებლობის საფუძველზე, საერთაშორისო საპარლამენტო ასამბლეის წევრს, საერთაშორისო სისხლის სამართლის სასამართლოს წარმომადგენელს, საერთაშორისო სასამართლოს ან სასამართლო ორგანოს მოსამართლეს ან თანამდებობის პირს.

3. ამ კოდექსის 338-ე და 339-ე მუხლებით გათვალისწინებული დანაშაულების სუბიექტებს ასევე მიეკუთვნებიან საქართველოსა და უცხო ქვეყნების არბიტრაჟის ტრიბუნალების წევრები, ხოლო ამ კოდექსის 338-ე–3391-ე მუხლებით გათვალისწინებული დანაშაულის სუბიექტებს ასევე მიეკუთვნებიან ნაფიცი მსაჯულები (ნაფიც მსაჯულთა კანდიდატები), რომლებიც აღნიშნულ მოვალეობებს ასრულებენ საქართველოს კანონმდებლობის საფუძველზე.

„სახელმწიფო შესყიდვების გამოძიებები“ თემაზე გამოყენებული ოფიციალური კონსოლიდირებული წყაროები მითითებულია შესაბამის წყაროების ბლოკში; კონკრეტულ საქმეზე გადაამოწმეთ მოქმედი რედაქცია.